Түгээмэл асуултууд

Брэндбүүк бүтээх ажил 8,800,000₮ (НӨАТ багтсан). Үүнд брэндийн танилцуулга, философи, лого ба таних тэмдгийн стандарт, өнгөний схем, фонт, график элемент, мөн ажилчдад зориулсан 2 цагийн сургалт багтана. Одоо лого нь байгаа байгууллагад Брэндийн косметик (4,400,000₮) гэсэн илүү хэмнэлттэй хувилбар бий.

Манай сайтын тооцоолуураас хэрэгтэй ажлуудаа сонгоход нийт үнэ шууд бодогдоно. Хүсэлт илгээхэд манай баг 24 цагийн дотор эцсийн саналыг баталгаажуулж холбогдоно. Утсаар ярих, уулзалт товлох шаардлагагүйгээр урьдчилсан төсвөө мэдэх боломжтой.

Тооцоолуурын үнэ бол ажлын стандарт хүрээнд тооцсон бодит үнэ. Ажлын цар хүрээ онцгой (жишээ нь салбар нэгжийн тоо олон, олон хэлний хувилбар шаардлагатай) тохиолдолд эцсийн саналыг тодруулж баталгаажуулна. Бүх үнэ НӨАТ багтсан дүн.

Тийм. Гэрээ байгуулахад тохиролцсон хувиар урьдчилгаа төлбөр авч ажлаа эхлүүлдэг. Нарийвчилсан нөхцөлийг гэрээнд тусган баталгаажуулна.

Брэндбүүк бүтээх ажил ойролцоогоор 2 долоо хоног үргэлжилнэ. Хэрэглээний дизайны багц бүр (сошиал медиа, бичиг хэрэг, мерч гэх мэт) 1 долоо хоног, дүр бүтээх ажил 2 долоо хоног, бүрэн вебсайтын дизайн 3–4 долоо хоног байдаг. Хугацаа нь материал, санал хүсэлт цаг тухайд нь ирснээс хамаарч өөрчлөгдөж болно.

Гэрээ байгуулсны дараа судалгаа, брифийн шатнаас эхэлнэ: танай бизнес, зорилтот хэрэглэгч, өрсөлдөгчийг судалж, брэндийн стратегийн чиглэлийг тохирно. Үүний дараа концепц боловсруулж, таны саналыг тусган сайжруулаад, эцэст нь бүх файл, стандартыг хүлээлгэн өгнө. Судалгааны шатыг алгасахгүй байх нь эцсийн үр дүнг шийддэг гэдгийг бид туршлагаараа мэднэ.

Ажил тус бүрд 2 удаагийн засвар үнэд багтсан. Энэ нь ихэнх тохиолдолд хангалттай байдаг — учир нь бид эхний шатанд стратеги, чиглэлээ тохирсны дараа дизайн руу ордог. Засварын тоо 2-оос хэтэрсэн тохиолдолд нэмэлт засвар бүрийг тухайн ажлын үнийн дүнгийн 10 хувиар тооцож төлбөр нэмэгдэнэ. Нэг удаагийн засвар гэдэгт нэгтгэсэн санал хүсэлтийг бүхэлд нь ойлгоно. Батлагдсан чиглэлийг өөрчлөх, шинэ концепц шаардах нь засвар биш шинэ ажлаар тооцогдоно. Харин манай зүгээс гарсан алдааг засах нь засварын тоонд ордоггүй.

Танд төслийн хариуцсан хүн оноогдож, шат бүрд танилцуулга хийж, саналыг тань цуглуулна. Хүлээлгэн өгөх материалыг цахимаар илгээж, шаардлагатай бол танилцуулах уулзалт зохион байгуулна.

Ажлын төрлөөс хамаарч vector эх файл (AI/EPS/SVG), хэвлэлийн эх (PDF), дэлгэцийн хувилбар (PNG/JPG), видео элементийн хувьд alpha сувагтай файл, вэб дизайны хувьд Figma эх файл өгнө. Брэндбүүкийг PDF болон эх файлаар нь хамт хүлээлгэн өгдөг.

Гэрээний дагуу хүлээлгэн өгсөн эцсийн бүтээлийн хэрэглээний эрх захиалагчид шилжинэ. Нарийвчилсан нөхцөлийг гэрээнд тусгана.

Бид хийсэн ажлынхаа эх файлыг архивлан хадгалдаг тул шаардлагатай үед дахин хүсэлт гаргаж авах боломжтой.

Тийм. Гэхдээ бид хэрэглээний дизайныг брэндийн бат бөх суурь дээр л хийдэг тул эхлээд Брэндийн косметик (одоогийн дүр төрхийг эвдэлгүй сайжруулах) эсвэл Брэндийн чадамжийн үнэлгээ хийж, суурийг тань бэлдэнэ. Үүний дараа бүх хэрэглээний багц нээгдэнэ.

Тохирно. Бүрэн брэндбүүк хийлгэхэд эрт байгаа бол Тусгай илтгэлийн дизайн (слайдаар), Сав баглаа боодол (загвараар), эсвэл Брэнд аудит зөвлөгөө (цагаар) зэрэг жижиг нэгжээр эхлэх боломжтой. Дараа нь өсөхийн хэрээр өргөжүүлж болно.

Ажиллана. Ажлын урсгал бүхэлдээ цахимаар явагддаг — бриф, санал танилцуулга, засвар, хүлээлгэн өгөлт бүгд алсаас хийгдэх боломжтой. Сургалтыг ч онлайнаар зохион байгуулж болно.